由任贤齐、苏永康、梁汉文及黄家强组成嘅「男人帮」，新春期间远在美国拉斯维加斯同华盛顿开演唱会。虽然第一场骚佢的落台派利是嗰阵情况混乱，有观众被撞跌落地，差啲酿成意外，好彩最后有惊无险，总算顺利完骚。
昨(1晚)佢的趁有空档，于市内四处游览鬆一鬆，梁汉文亦有将相片上载至微博。虽然小齐同家强嘅老婆仔女都有一齐嚟，但系呢班男人无视妻女，大模斯样同性感女郎合照，好大嘅胆子！由于家强一家四口同行，出街要边凑仔边推BB车，即将做爸爸嘅苏永康都甘拜下风。林建岳伉俪都喺赌城过年，除左亲身睇骚捧场支持男人帮，仲设宴同佢的食饭，大派利是！之后男人帮会再飞去华盛顿继续演出。
